Basbalo
Basbalo esas kolektala sporto derivata de la sama radiki kam kriketo. Ol ludesas sur tereno di gazono e sablo, e pleesas kun batili por frapar balo lansita, e ganti por rikaptar la balo. L'origini di basbalo prestas ad kontroversi, ma esas nediskutebla ke l'unesma moderna reguli («Knickerbocker Rules») kodexigesis en Usa en 1845. L'Europana radiki di la ludo, longatempe neglijita da l'Usan autoritatozi por facar basbalo sporto tipale Usana, konocesas en longa tempo da Usana historii di la sporto. Recenta lumizo di deskripto di konkurso ludita ye 1755 en Surrey, Anglia, igas en ta sinso.